Just enjoy picture za jana katika party ya MTV road to Mama Award

Na Evance Ng'ingo
WASANII wanaowania tuzo za Mtv Mama kutoka hapa nchini, Kenya na Afrika Kusini juzi walifanya onesho la nguvu katika klabu ya Bilicanas ikiwa ni moja ya kampeni kuelekea utoaji wa tuzo hizo.

Tuzo rasmi za MTV zitatolewa Juni 7, Durban Afrika Kusini ambapo msanii kutoka hapa nchini aliekuwa mmoja kati ya waliotumbuiza juzi anawania vipengele viwili ambavyo ni wimbo bora wa kushirikishwa na kipengele cha msanii bora wa kiume.

Wasanii walioimba katika shoo hiyo ya juzi ni pamoja na kundi la Sauti Sol kutoka Kenya, Diamond Platinum na Mikasa wa Afrka Kusini.

Kundi la Sauti Sol linaloundwa na Bien Aime Baraza, Polycarp Otieno, Willis Chimano na Delvin Mudigi ndilo lilifungua pazia la burudani ambapo waliimba nyimbo zao nyingi ukiwamo wimbo wa Nishike.

Walitawala vema jukwaa na walikuwa wakishangiliwa kwa kiasi kikubwa na watu waliohudhuria shoo hiyo kutokana na umahiri wao wa kutawala jukwaa.

Baada ya hapo lilifuata kundi la Mikasa ambapo lilionesha uwezo wa hali ya juu katika kutawala jukwaa na kucheza na watu.

Baada ya washabiki wa muziki kufurahia shoo kutoka kwa kundi hilo la Sauti Sol, ikafuata zamu ya kundi la Mi Casa ambapo wasanii wake akina, Jsomething na Mo-T walizikonga vilivyo nyoyo za watu waliohudhuria shoo hiyo.

Huku kivuti kikubwa kikiwa ni namna walivyokuwa wakitumia vionjo kama vile Saxiphone mmoja kati ya waimbaji wake ambae ni mzungu nae alikuwa kivutio kikubwa kutokana na umahiri wake wa kuimba na kucheza.

Waliimba nyimbo zao nzuri hasa wimbo wa Chika ambao unaendelea kukamata zaidi katika vituo mbalimbali vya radio na luninga vya kimataifa.

Ikafika zamu ya Diamond kutoka hapa nchini ambapo kama kawaida yake alishambulia jukwaa akiwa na kundi lake la Wasafi ambapo alianza kuimba wimbo wa Abdu Kiba kabla ya kuanza kuimba nyimbo zake.

Alipagawisha kwa nyimbo zake kama vile, Nataka Kulewa, Nimpende Nani, Mawazo na kisha kabla ya kuendelea kuimba wimbo wake wa My Numbwe One uliokuwa ukisubiriwa kwa hamu kubwa aliimba wimbo mmoja na msanii Sheta.

Diamond aliekuwa amevalia nguo nyeupe kuanza juu mpaka chini huku madansa  wake wakiwa wamevalia nguo nyeusi alipoanza kuimba wimbo wa My Number One alivua shati lake na kubakia kifua wazi.

Wimbo huo ambae ndio umefungua neema  zaidi kwa msanii huyo na umemwezesha kupata tuzo saba za Kilimanjaro pamoja na kumwezesha kuchaguliwa katika tuzo hizo za MTV na kwa sasa pia tuzo za BET za Marekani.

Alifunga pazi la shoo siku hiyo na ikawa zamu ya madj kuendeleza furaha za kusherehekea uzinduzi wa safari hiyo ya Road to Mama Awards.

Sherehe hiyo pia ilihudhuriwa na watu mbalimbali maarufi akiwamo mwanamitinfdo wa kimataifa Happines Magese, Mbunge wa Kigoma Kaskazini Zitto Kabwe, Mwenyekiti wa Chama Cha Demokrsia na Maendeleo (Chadema) Freeman Mbowe, Meya wa Ilala Jerry Silaa pamoja na watu wengine wengi maarufu.

Diamond anawania kipengele cha msanii bora pamoja akiwa anashindana na msanii Anselmo Ralph wa Angola,Davido wa Nigeria, Donald wa Afrika Kusini na Wizkid wa Nigeria.

Pia anashindania kipengele cha wimbo bora wa kushirikishwa ambapo anaingia na wimbo wake wa My Number One aliomshirikisha msanii Dovido wa Nigeria.