Hisia anavyokuja

MSANII wa nyimbo za kisasa, Hisia ambae alishiriki katika shindano la Tusker Project Fame ameachia wimbo wake wa kwanza uitwao Just For You.

Hisia ambae alionekana kufanya vema kwenye shindano hilo la Tusker lililofanyika Kenya licha ya kuwa hakuibuka na ushindi, katika wimbo anaonekana kutetea hadhi ya uwezo wake wa kuimba.

Hisia katika video ya wimbo huo amegusia masuala mengi kuhusiana na uhusiano huku akisisitiza kuwa kwa sasa yeye akiwa kama msanii amejipanga kutoa nyimbo nyingine nzuri.

Alisema kuwa ili kujiimarisha zaidi katika muziki hatotegemea kuimba kwenye majukwaa peke yake  badala yake anataka kuimba hata katika hafla mbalimbali.

Alisema kuwa anajipanga kuanza kuimba katika sherehe za kuzaliwa,harusi na sherehe nyinginezo.

Alisema kuwa anaweza kutumia vyombo mbalimbali vya muziki na hivyo haoni shida kutumia vyombo hivyo katika kazi zake.

"Kwa sasa hakuna kitu kinachoitwa dili ya muziki mimi nikakiacha kikipita nipo kamili katika kutumia kila idara kufanya mengi kwenye gemu hii"alisema Hisia.
Maoni ya Mhariri
Hisia endelea kujipanga na ni vema ukaendeleza swaga zako ulizoanza nazo kwani unaonekana unaanza kukubalika sana