Fahamu yaliyojiri majuzi kwenye tuzo za MTV, VMA Marekani

Na Evance Ng'ingo
HIVI majuzi nchini Marekani ilifanyika hafla ya utoaji wa tuzo za  Video bora za wasanii za MTV.

Tuzo hizo ambazo hutolewa kila mwaka zinalenga kuwatuza wasanii wa muziki ambao wametengeneza video zao zenye ubora zaidi.

Hizo ni tuzo ambazo ni moja kati aya tuzo zenye heshima kubwa ndani na nje ya Marekani kwa kuwa wasanii ambao wanahsinda tuzo hizo inamaa na kuwa video zao ni bora.

Kwa kuwa na video bora kwa maana nyingine ni kwamba wanakuwa wamejitangaza na kujiongezea soko zaidi ndani na nje ya nchi hiyo.

Katika matukio ambayo yalijitokeza kwa mwaka huu ni  mengi lakini hakukuwa na matukio ya kustaajabisha zaidi kama ilivyokuwa kwa mwaka jana

Kwa mwaka jana mwanamuziki asieishiwa na vituko wa nchini humo, Miley Cyrus alifanya tukio la ajabu kuwahi kutokea kwenye tuzo hizo.

Alijiokeza ghafla jukwaani na kuanza kucheza mbele ya mwanamuziki mwenzake Robin Thicke huku akiwa amevalia nguo za ufukweni.

Lakini kwa mwaka huu mwanadada huyo anaonekana kupevuka kiakili na kuonesha kuwa anajua nini anachokifanya.

Aliamua kumtumia kijana kutokea kwenye mazingira ya vijana wasio na kazi makazi maalum kumchukulia tuzo yake.

Kijana huyo aitwae Jesse alipanda jukwaani kwenda kumchukulia tuzo msanii ambapo alipata wasaha wa kuzungumzia masuala mbalimbali kuhusiana na vijana hao waishio mazingira hayo hatarishi.

Kijana huyo ambae wito wake huo aliotoa kwa wanajamii wa kuwasaidia vijana hao waishio mazingira magumu ulionekana kuwagusa watu wengi zaidi nchini Marekani.

Akizungumzia uamuzi huo wa kumtumia kijana kumchukulia taji lake, Cyrus anasema kuwa anajutia tukio la kijinga alililolifanya mwaka jana na ndio maana kwa mwaka huu ameamua kuja kitofauti.

Anasema kuwa anatambua kupitia tuzo hizo watu mbalimbali wanaweza kupewa ujumbe wa maana kuhusiana na masuala ya kijamii na mengineo muhimu.

"Mimi kwa mwaka huu nimeamua kutumia jukwaa hili kuwafikishia watu ujumbe mbalimbali wa masuala ya kijamii na kuacha kufanya kituo cha aina yoyote"anasema msanii.

Anaongeza kuwa" wasanii kwa kuwa ni kioo cha jamii ni vema kutumia vema fursa wanazozipata katika kuelimisha na kuikumbusha jamii kuhusiana na masuala yao muhimu ya kimaisha".

Katika hatua nyingine tuzo hizo zilitumiwa kama sehemu ya kujibu kivitendo hoja mbalimbali.

Kwa upande wake msanii wa muziki nchini humo Beyonce Knowlence kwa upande wake alijibu hoja za kuambiwa kuwa ametengana na mumewe.

Mumewe huyo ambae ni mmoja kati ya wanamuziki mahiri wa Hip Hop Jay Z, kulikuwa na taarifa mbalimbali zisizokuwa rasmi kuwa wametengana.

Lakini katika tuzo hizo Jay Z alitokea uwanjani akiwa na mtoto wao aitwaye Blue Ivy ambapo aliibukia jukwaani akiwa na mtoto huyo kisha kutoa pongezi kwa Beyonce.

Tukio hilo lilionekana kuwagusa wengi haswa mtoto huyo ambae amekuwa akizungumziwa mara kwa mara na watu mbalimbali mitandaoni.

Huku akiwa ameshikiria tuzo yake ya iliyofahamika kama Michael Jackson Video Vanguard Award, wawili hao walibusiana mbele ya umati mkubwa wa watu waliojitokeza.

Awali msanii huyo aliimba kwa kutumia dakika 16 nyimbo zake kama vile Drunk in Love, Mine na Jealous.

Wawili hao ni kama walitumia nafasi hiyo kusema kuwa maisha yao yapo safi na hawana matatizo yoyote katika ndoa yao.

Hasa ikichukuliwa kwa namna ambavyo Beyonce kwenye hotuba yake ya shukrani alisema kuwa anaipenda na kujivunia familia yake hiyo.

Pia baadhi ya vitu vilivyovutia siku hiyo ni pamoja na kuonekana kwa msanii Katy Perry aliejishindia tuzo ya Video Bora ya Kike kupitia wimbo wake wa Dark Horse.

Aliimba akiwa na mpenzi wake ambae pia ni mwanamuziki Juicy J ambapo waliovalia mavazi kama yale yaliyowahi kuvaliwa na waliokuwa wapenzi Justine Timberlake pamoja na Britney Spears miaka ya nyuma walipoenda kuchukua tuzo hizo.

Pia mwanamuziki, Sam Smith alizikonga nyoyo za watu kutokana na wimbo wake wa Stay With Me aliouimba kwa hisia kali.

Lakini mwanadada Nick Minaji anaetamba na wimbo wake wa Anaconda alionekana ni kama amechemsha kwenye namna alivyokuwa akifanya shoo yake hiyo.

Ni tofauti na alivyozoeleka kuwa ni mwanadada ambae amekuwa akiwa na manjonjo mengi wengi walifikiri kuwa angecheza kama alivyofanya kwenye video ya wimbo wake huo wa Anaconda.

Akiwa anaimba kwa ukaribu zaidi na wanamuziki wengine akina Jessie J pamoja na Ariana Grande, Micki alijikuta akiwa na kibarua cha kupandisha gauni lake juu mara kwa mara kwa kuwa lilikuwa limembana sana.

Pia hata mshereheshaji mchekeshaji wa siku hiyo, Jay Pharoah alizidisha utani na kujikuta akifanya kama yale yaliyofanywa na mchekeshaji Mpoki kwenye tuzo za Kili kwa mwaka huu.

Pia wachekeshaji Jim Carrey pamoja Jeff Daniels nao pia walichemka hasa pale walipoleta utani wa masuala ya Ebola kwenye hafla hiyo, muda mfupo kabla ya kumkabidhi zawadi ya tuzo ya Video Bora ya wimbo wa Pop Ariana Grande.

Katika hafla hiyo wachekeshaj walionekana kumchemka zaidi hasa pale walipokuwa wakifanya utani wenye mahudhi huku wasanii waliochaguliwa kwenda kutoa tuzo waliwasilisha ujumbe wa maana zaidi.

Mfano mzuri ni msanii Common aliwataka watu waliokuwa ukumbini hapo kukaa kimya kwa dakika moja kumkumbuka kijana alieuwawa na askari bila hatia Mike Brown.

Kwa upande wa mavazi inaweza kuwa ni tofauti na ilivyo kwa hapa nchini  ambapo tamaduni zetu zinabana wasanii angalau kidogo kwenye mavazi.

Siku hiyo wasanii waliohudhuria kwenye hafla hiyo ya utoaji wa tuzo walionekana kuvaa nguo za nusu uchi.

Lakini kilichoshangaza zaidi ni kuwapo kwa wasanii waliovalia nguo zao za kistaa huku wakiwa hawajavalia nguo za ndani.

Hiyo inatokana na namna ambavyo walivaa nguo zao za kawaida ambazo kwa kawaida huwezi kuvaa na nguo za ndani.

Ila wapo ambao walionekana kumchemsha mfano mzuri ni mdogo wake msanii Beyonce, Solange, hakuonekana kwenye upigaji wa picha kwenye Red Carpet wakati wa utoaji wa Tuzo hizo.

Mwanadaa huyo alikuja kuonekana baada huku akiwa amevalia nguo za kawaida Beyonce tofauti na ilivyokuwa kwa wasanii wengine.

Alijipatia umaarufu zaidi baada ya kuingilia mapenzi ya dada yake kwa mumewe Jay Z ambapo alimpiga msanii huyo kwenye lift.

Kufuatia tukio hilo watu wamekuwa wakimuatilia sana kweye maisha yake  ya sanaa na kitendo cha kutopiga picha kwenye Radi Carpet kimetoa picha mbaya.

Lakini baadae alikuja kuonekana mbele ya macho ya wapiga picha na kupiga picha.
===========================