Miss Ilala kesho Kempinski

 BENDI ya Yamoto inayoongozwa na Dogo Asley itatumbuiza kwenye kinyang'anyiro cha kumsaka Mlimbwende wa Wilaya ya Ilala, kesho.

Akizungumza na waandishi wa habari jana, mratibu wa shindano hilo Juma Mabakila alisema kuwa bendi hiyo itaungana na wasanii wengine ambao watasimamia gurudumu la burudani siku hiyo.

Alisema kuwa katika shindano hilo warembo 14 watashindania taji hilo huku mshindi wa kwanza akijipatia Milioni moja wa pili laki saba na wa tatu laki tano.

Mabakila alisema kuwa washiriki waliobakia kila mmoja atajipatia laki mbili.

Aliongeza kuwa kiingilio ni shilingi 50,000/= na kuahidi kuwa mshindi wa taji la Miss Tanzania atatokea Miss Ilala.

Aliwataja washiriki hao kuwa ni pamoja n aSabina Thomas, Decha Hemmanuel, Flora Juma, Naomi Kisaka, Vestina Jax, Christina Dereck, Jihan Dimash, Happyness Sosthenes, Faudhia Feka, Ramta Mkadala, Sia Makundi, Nasreem Abdul, Francisca Simon na Ambasia.

Onesho hilolitafanyika katika hoteli ya Kempinski, Dar es salaam.
===============